Күрэх бастакы этабынан Саха сиригэр дьиэ кэргэн күнүгэр о.э. ыам ыйын 15 күнүгэр улууспут бары нэһилиэктэрин көхтөөх, талааннаах дьиэ кэргэттэрин кэтэхтэн көрүү буолбута. Иккис этаба — күөн көрсүү, айыыларбыт бэттэх кэлэр, алгыс ылар, саха норуотугар бэлиэ күңңэ бэс ыйын 21 күнүгэр тэрилиннэ🌿🌿🌿☀️.
Бу күн дьиэ кэргэттэр икки түһүмэххэ: бэйэни билиһиннэриигэ, уйа тутуутугар ону тэҥэ тэттик түһүмэхтэргэ: күөрчэх ытыйыытыгар, кус үргээһинигэр илин-кэлин түһүстүлэр. Оҕолорго анаан 7 станциялаах квест оонньуу ыытылынна, сиэлинэн ситиигэ Саха республикатын норуотун маастара Ольга Седалищева, хомуска виртуоз хомусчут Надежда Потапова маастар кылаастары ыыттылар, бары тэрээһин кыттыылаахтарыгар аһаҕас халлаан анныгар баай байанай бэлэҕинэн аһылык тэрилиннэ.
«УЙА» фестиваль кыайыылаахтарынан Мугудай нэһилиэгиттэн 5 оҕолоох Мария, Василий Оконешниковтар буоллулар уонна бырайыак автордарын Колесовтар дьиэ кэргэн туруорбут 50 тыс. уу харчынан наҕараадаланнылар👏🏻👏🏻👏🏻. Бары күрэх кыттыылаахтарыгар анал ааттар иҥэрилиннилэр спонсордар туруорбут сыаналаах бириистэрэ туттарыллыннылар💐💐💐.
Биир үтүө умнуллубат күнү тэрийээччилэрдиин, кыттааччылардыын, ыалдьыттардыын бүтүн дьиэ кэргэнинэн мустан, түһүлгэлээн, сайыҥҥы халлаан анныгар ыраастанан тарҕастыбыт.
“УЙА» бырайыак Чурапчы улууһун дьахтарын сүбэтин көҕүлээһининэн Арассыыйа президенын культурнай көҕүлээһин фондатын гранын ылары ситиспитэ. Бастакы бырайыак олоххо киириитигэр күүс-көмө буолбут партнердарбытыгар: МО «Чурапчы улууһа (оройуона), МО «Одьулуун нэһилиэгэ», «Сайдыс» НАДь, спонсордарбытыгар: СХПК «Чурапча», ООО «Чурапча», “Матери России” Чурапчытааҕы салаата уопсастыбаннай хамсааһыны өйөөбүккүтүгэр барҕа махталбытын тиэрдэбит!